A Secretaría Xeral engloba os distintos servizos administrativos e técnicos da Cámara, desempeñados por funcionarios. O seu carácter é profesional. Baixo a superior autoridade da Mesa e do presidente, corresponde á Secretaría Xeral ofrecer aos órganos parlamentarios e aos deputados apoio para o desenvolvemento das súas tarefas. Máis concretamente, presta o seu asesoramento xurídico e técnico a estes órganos, facilita distintas prestacións e organiza os medios materiais e humanos precisos para que a Cámara poida reunirse e exercer as súas funcións. Está dirixida polo secretario xeral, nomeado pola Mesa do Congreso a proposta do presidente entre os letrados das Cortes Xerais con máis de cinco anos de servizos efectivos. As súas unidades básicas son, ademais do propio secretario xeral, dúas Secretarías Xerais Adxuntas e as seguintes direccións: Relacións Institucionais; Comunicación; Asesoría Xurídica; Intervención do Congreso dos Deputados; Asistencia Técnico-Parlamentaria; Comisións; Estudos, Análise e Publicacións; Documentación, Biblioteca e Arquivo; Relacións Internacionais; Orzamentos e Contratación; Recursos Humanos e Goberno Interior; Infraestruturas e Instalacións e Centro de Tecnoloxías da Información e das Comunicacións.
|