Idazkaritza Nagusiak barne hartzen ditu funtzionarioek egiten dituzten Ganberako zerbitzu administratibo eta tekniko guztiak. Izaera profesionala du. Mahaiaren eta Presidentziaren goragoko agintaritzaren pean, Idazkaritza Nagusiari dagozkio parlamentuko organoei eta diputatuei sostengua ematea euren lanak garatu ahal izateko. Zehazki, aholkularitza juridikoa eta teknikoa eskaintze die organo hauei, hainbat prestazio ematen ditu eta beharrezkoak diren baliabide material eta giza baliabideak antolatzen ditu, Ganberak bilkurak egin eta bere eginkizunak bete ahal izateko. Idazkari nagusia da organo honen burua eta Kongresuko Mahaiak izendatzen du, presidentearen proposamenei jarraituta, gutxienez ere bost urtetan zehar zerbitzu eraginkorrak eman dituzten Gorte Nagusietako legelarien artean. Idazkari nagusiaz gain, hauek dira barne dituen oinarrizko unitateak: bi Idazkariordetza Nagusi eta zuzendaritza hauek: Erakunde Harremanak; Komunikazioa; Aholkularitza Juridikoa; Diputatuen Kongresuaren Esku Hartzea; Laguntza Tekniko-Parlamentarioa; Batzordeak; Azterlanak, Analisiak eta Argitalpenak; Dokumentazioa, Liburutegia eta Artxiboa; Nazioarteko Harremanak; Aurrekontuak eta Kontratazioa; Giza Baliabideak eta Barne Gobernua; Azpiegiturak eta Instalazioak; eta Informazioaren eta Komunikazioen Teknologien Zentroa.