Visitas Portas Abertas 2025

As Xornadas de Portas Abertas do Congreso dos Deputados do ano 2025 terán lugar os días 12 e 13 de decembro, de 09:30 a 19:00 horas.

As reservas realizaranse a través da páxina web. Na seguinte ligazón poderá facer a reserva dun adulto con tres acompañantes como máximo (os menores de 14 anos non contabilizan e só se permitirá un máximo de 5 menores por solicitude). Reserva de Visita Portas Abertas.

O formulario abrirase o día 24 de novembro ás 10:00 horas e pecharase o día 11 de decembro& ás 09:00 horas.

As persoas maiores de 70 anos non terán que reservar de forma anticipada e poderán acudir acompañadas por unha persoa.

Non se permitirá acceder ao recinto con obxectos punzantes e/ou cortantes, nin con recipientes que conteñas líquidos, xeles ou substancias similares.

Para obter máis información pode chamar ao 913906525.

Información xeral

Todas as visitas están suxeitas á actividade da Cámara e pódense suspender por Actos Institucionais ou Parlamentarios, en cuxo caso, avisarase neste mesmo medio.

Durante o mes de agosto e nos días festivos non se realizan visitas.

Tódalas visitas son de balde.

Informámoslles que non está permitido acceder ó recinto parlamentario con obxectos punzantes e/ou cortantes, nin con recipientes que conteñan líquidos, xeles ou substancias similares.

Durante o percorrido poderán tomarse fotografías das estancias e do patrimonio da Cámara sempre e cando non se altere o transcurso da visita e respectando, en todo momento, a actividade parlamentaria. Así mesmo, non se poderá fotografar ó persoal da Cámara nin ó de Seguridade.

Visitas guiadas

Todas as visitas requiren unha reserva previa.

Visitas individuais ao Palacio do Congreso dos Deputados

Os venres ás 12:00 e os sábados de 10:30 a 12:30 horas, previa reserva vía online na seguinte ligazón: Reserva visitas guiadas individuais, abrirase o prazo de inscrición desde as 13.00 h. do sábado anterior ás visitas.

Será necesaria a presentación do DNI ou Pasaporte á entrada.

Visitas de grupos ao Palacio do Congreso dos Deputados

Luns a xoves de 9:00 a 13:30 e de 16:00 a 18:00 horas, e venres de 9:00 a 13:00.

As solicitudes poden realizarse por parte de calquera entidade (centro educativo, cultural, asociación, etc.,), por carta ou correo electrónico, onde conste:

- Nome da entidade
- Enderezo completo, teléfono e persoa de contacto
- Número de visitantes (posteriormente solicítase nome e DNI)

Dirixíndoas a:

Unidad de Guías
Palacio del Congreso de los Diputados
Plaza de las Cortes, núm. 1
28014 MADRID
Correo electrónico: visitasguiadas@congreso.es
Teléfono: 91.390.65.25

Os alumnos de centros escolares terán que estar cursando, polo menos, 1º de E.S.O.
Cada grupo constará dun máximo de 50 persoas. Unha mesma entidade pode concertar máis dunha visita se o número de persoas excede esa cota.

Visitas a exposicións

Visitas á exposición Democracia Parlamento Constitución

Os luns á 12:00 h., previa reserva vía online na seguinte ligazón: Reserva visitas guiadas Democracia Parlamento Constitución. O prazo de inscripción abrirase dezaseis días antes, o sábado ás 13.00 h.

Esta visita non inclúe nin o hemiciclo nin ningunha das salas do Palacio.

A exposición permanente ocupa o espazo previsto para iso no soto do Palacio do Congreso dos Deputados. Trátase do situado baixo o salón de sesións, formado por tres aneis, unha bóveda e tres salas.

O tema DEMOCRACIA ocupa o anel exterior, o tema PARLAMENTO o intermedio e o tema CONSTITUCIÓN o interior.

Será necesaria a presentación do DNI ou Pasaporte á entrada.