Informazio orokorra

Bisitaldi guztiak ganberaren jardueraren menpean egongo dira, eta eten daitezke ekitaldi instituzionalen edo parlamentarioen ondorioz; orduan, bide honetatik ohartaraziko da.

Abuztuan eta jaiegunetan ez dira bisitaldiak egiten.

Bisita guztiak doakoak dira.

Jakinarazten dizuegu ezin dela legebiltzar-esparrura objektu zorrotz edo ebakitzaileekin sartu, ezta likidoak, gelak edo antzeko substantziak dituzten ontziekin ere.

Ibilbideak irauten duen bitartean, Ganberaren gelen eta hango ondarearen argazkiak atera ahal izango dira, bisitari eragin gabe eta Legebiltzarraren jarduera uneoro errespetatuz. Era berean, ez zaie argazkirik aterako Ganberako eta Segurtasuneko langileei.

Bisita gidatuak

Bisitaldi guztiek aldez aurreko erreserba behar dute.

Banakako bisitaldiak Diputatuen Kongresuaren jauregira

Ostiraletan 12:00etan eta larunbatetan 10:30etik 12:30era, aldez aurretik erreserba eginda linean, esteka honetan: Banakako bisita gidatuen erreserba. Izena emateko epea bisitaldien aurreko larunbateko 13:00etan irekiko da.

Sarreran NANa edo pasaportea aurkeztu beharko da.

Taldeko bisitaldiak Diputatuen Kongresuaren jauregira

Astelehenetik ostegunera, 09:00etatik 13:30era eta 16:00etatik 18:00era, eta ostiraletan, 09:00etatik 13:00era

Eskaerak edozein erakundek egin ditzake (ikastetxea, kultura erakundea, elkartea, etab.), posta arruntez edo elektronikoz, honakoak adierazita:

- Erakundearen izena
- Helbide osoa, telefonoa eta harremanetarako pertsona
- Bisitari kopurua (ondoren izena eta NANa eskatuko dira)

Eta hona bidalita:

Unidad de Guías
Palacio del Congreso de los Diputados
Plaza de las Cortes, núm. 1
28014 MADRID
Helbide elektronikoa: visitasguiadas@congreso.es
Telefonoa: 91.390.65.25

Ikastetxeetako ikasleak, gutxienez, DBHko 1. mailakoak izango dira.
Talde bakoitzean, gehienez jota, 50 pertsona egongo dira. Erakunde berak bisita bat baino gehiago eska ditzake pertsona kopuruak muga hori gainditzen badu.

Erakusketak bisitatzea

“Democracia Parlamento Constitución” erakusketa bisitatzea

Astelehenetan, 12:00etan, aldez aurretik erreserba eginda linean, esteka honetan: "Democracia Parlamento Constitución” bisitaldi gidatuen erreserba.  Izena emateko epea hamasei egun lehenago irekiko da, larunbatean, 13:00etan.

Bisitaldi honetan ez dira sartzen ez hemizikloa ez jauregiko aretoak.

Erakusketa iraunkorrak Diputatuen Kongresuko jauregiko sotoan horretarako aurreikusitako lekua hartzen du. Hiru eraztunez, ganga batez eta hiru aretoz osatutako saio-aretoaren azpian dagoena da.

DEMOKRAZIA gaiak kanpoko eraztuna hartzen du; PARLAMENTUA gaiak, erdikoa; eta KONSTITUZIOA gaiak, barrukoa.

Sarreran NANa edo pasaportea aurkeztu beharko da.

“El arte en la lucha por la libertad” erakusketa bisitatzea

“El arte en la lucha por la libertad” erakusketa, Lurralde Politikako eta Memoria Demokratikoko Ministerioak eta Lehendakaritza, Justizia eta Gorteekiko Harremanetarako Ministerioak antolatuta, Diputatuen Kongresuan egingo da, San Jeronimo karrikako 36 eraikinean, 2024ko azaroaren 28tik 2025eko martxoaren 21era bitartean.

Abenduaren 2tik Aurrera, erakusketa astelehenetik ostiralera (lan-egunetan) 10:00etatik 20:00etara bisitatu ahal izango da. Erreserbatu ahal izango den azkenengo ordua 19:00ak izango da.

Erreserbak “El arte en la lucha por la libertad” erakusketa erreserbatu  webgunearen bidez egingo dira. Erreserba heldu batek egin ahal izango du, eta hiru laguntzailek lagundu ahal izango diote, gehienez ere (14 urtetik beherakoak ez dira kontuan hartze, eta eskaera bakoitzeko gehienez 5 adingabe egon daitezke).

Formularioa hilabetero irekiko da, hilaren 1ean (hileko bigarren hamabostaldiko erreserbetarako) eta 15ean (hurrengo hilabeteko lehen hamabostaldiko erreserbetarako), goizeko 10:00etan.

Desgaitasuna duten pertsonentzat eta 65 urtetik gorakoentzat ez da beharrezkoa izango erreserba aldez aurretik egitea. Pertsona batek lagunduta joan ahal izango dira, edukiera beteta ez badago.

Irisgarritasun-arazoak dituzten pertsonek, mesedez, iritsitakoan jakinarazi dezatela.

Informazio gehiago jasotzeko, 913906525 telefono-zenbakira deitu dezakezue.